Brukseli "në këmbë" për një alarm për bombë
Nga OraNews Përditësimi i fundit 19 Mars 2019, 18:32
Një alarm i rremë për bombë në zonën ku ndodhen institucionet kryesore të Bashkimit Evropian ka alarmuar autoritetet e Brukselit.
Alarmi u bë nga një telefonatë anonime. Menjëherë u evakuua ndërtesa ku u raportua për bombën.
Mediat raportojnë se bëhet fjalë për një ndërtesë të një institucioni në rrugën Breydel që ofron shërbime këshillimore për Komisionin Evropian, nga e cila janë evakuuar rreth 40 persona.
Policia rrethoi me një kordon sigurie zonën dhe pas verifikimeve qarkullimi filloi normalisht.