Bayern i gatshëm të paguajë 42 milion euro për të blerë James Rodriguez

Bayern i gatshëm të paguajë 42 milion euro për të

James Rodriguez ka lënë mbresa të mira në drejtorët dhe trajnerin e Bayern Munich, që prej lëvizjes së tij nga Real Madridi në Gjermani.

Drejtorët e klubit bavarez kanë vendosur tashmë që do të paguajnë opsionin e blerjes prej 42 milionë eurosh që ishte përfshirë në marrëveshjen dyvjeçare të kolumbianit.

Real Madridi lejoi që mesfushori të lëvizë në Gjermani në një huazim dyvjeçar, për të cilën Bayerni pagoi shifrën e 13 milion eurove.

Tashmë klubi do që t’i ketë të gjitha të drejtat e lojtarit, duke e çuar shifrën e paguar diçka më shumë se 50 milion euro.

Vendimi i Bayern është përfundimtar dhe Real Madridi tashmë është i vetëdijshëm për qëllimin e tyre,  edhe pse udhëheqësit e Bundesligës mund të kishin pritur një vit tjetër përpara se të merrnin këtë vendim.

 James ka filluar të studiojë gjermanisht dhe thotë se ndjehet rehat në Allianz Arena, ku ka shënuar pesë herë dhe ka asistuar 11 të tjerë deri më tani.

Edhe pse e nisi sezonin me një rendiment të ulët, ai ka lulëzuar nën Jupp Heynckes dhe tani të dyja palët janë dakort që finalizimi i tranfertës të kryhet.

EMISIONET