Kryetari i Partisë Demokratike ka vazhduar takimet me bizneset por edhe më qytetarë që kanë shprehur shqetësimin për situatën ekonomike.

Rreziku nga falimenti dhe mungesa e mbështetjes kanë qenë kryefjala e bisedave.

Për shkak të pamundësisë për t’i paguar, shumë nga bizneset kanë larguar nga puna shumë njerëz.

Ndërsa shqetësim kanë qenë dhe paqartësisë për ndalim qarkullimin në fundjave.

Për kryetarin e PD-së është e rëndësishme që vendi ti rikthehet normaliteti, ndërsa urdhërat përmes Facebook i ka konsideruar të padrejta.

Basha: Qeveria Rama e la biznesin e vogël pa mbështetje.Sot mijëra biznese përballen me rënien e fuqisë blerëse, pamundësinë për të paguar qiratë edhe për muajt e izolimit, ndërsa xhiroja e tyre është në nivele minimale, faturat afrofe të energjisë janë më të larta edhe se një vit më parë ndërsa Shqipëria renditet ndër vendet me çmimin më të lartë të energjisë e po kështu edhe për faturat e ujit. Këto së bashku me tatimet dhe taksat rrënuan ekonominë e po çojnë drejt falimentimit në masë të biznesit të vogël.

Ky është shqetësimi që dëgjova sot nga të gjithë bizneset e vogla në njësinë 5 në Tiranë. Mungesa e mbështetjes për ta dhe për konsumatorët nga qeveria po i çon drejt mbylljes shumë biznese familjare.

Kjo gjendje është kudo në Shqipëri. Varfëria është ulur këmbëkryq në familjet shqiptare. Ramavirusi ka prekur çdo degë të ekonomisë, pasiguria e papunësia po prek çdo pjesë të shoqërisë.

Kreu i opozitës i inkurajoi bizneset e vogla të rezistojnë dhe së bashku të bëjnë ndryshimin që i duhet familjeve shqiptare dhe vendit.



/Ora News.tv/