Basha: Jemi në krizë humanitare dhe politike, zgjidhja është qeveria e re

Basha: Jemi në krizë humanitare dhe politike, zgjidhja është

Ndërkohë që kryeministri Edi Rama i shtriu sërish dorën kreut të PD, Lulzim Basha, ky i fundit i është përgjigjur teksa kthehej nga Thumana, një nga zonat më të prekura nga tërmeti i 26 nëntorit.

Basha thotë se vendi ndodhet në një krizë të plotë humanitare, ekonomike, sociale, politike dhe kushtetuese. Sipas Bashës, zgjidhja e kësaj krize duhet të nisë me përpjekjet e të gjithë shqiptarëve pa dallime partiake, për të patur një qeveri të përgjegjshme.

Basha: Jemi në një krizë humanitare, me përmasa të plota, e cila vetëm sa do të thellohet. Sepse shteti nuk po vepron. Qeveria dhe kryeministri e kanë mendjen tek parada mediatike, propaganda dhe po bëjnë gati të ngrenë mbi rrënojat e tërmetit një tjetër megaaferë korruptive, vjedhje, zhvatje dhe grabitje.

Vendi është në një krizë të thellë humanitare, ekonomike, sociale, politike dhe kushtetuese. Rruga për ta zgjidhur këtë krizë duhet të nisë me përpjekjet e të gjithë shqiptarëve pa dallime partiake, për të patur një qeveri të përgjegjshme. Një qeveri e cila ndihmon në kapërcimin e pasojave të tërmetit dhe bën gati të gjitha masat dhe të gjitha instrumentet për t’u ardhur në ndihmë njerëzve të goditur kaq rëndë dhe për të ndalur rrokullisjen e ekonomisë kombëtare, në një greminë edhe më të thellë.

Nga zgjidhja e krizës politike, kalon edhe zgjidhja e krizës ekonomike, kalon edhe shpëtimi i dhjetëra mijëra familjeve të cilat ndodhen si asnjëherë në mëshirën e fatit.

EMISIONET