Autobusi përplaset me karrotrecin në Rrëshen, 8 të plagosur
8 përsona mbeten të plagosur pas përplasjes së një autobuzi me një karrotrec. Aksidenti ndodhi pasditen e së premtes në segmentin Milot-Rrëshen, në afërsi të fshatit Skuraj të Kurbinit.
Sipas policisë autobuzi i cili drejtohej nga shtetasi N.M po transportonte punëtoret e një firme në drejtim të Rrëshenit, kur është përplasur me mjetin tip karrotrec të drejtuar nga shtetasi E.P.
Nga aksidenti kanë mbetur të plagosur 6 shtetase, pasagjere në mjetin tip autobus, si dhe drejtuesi dhe pasagjeri i mjetit tip karrotrec.
Të plagosurit u dërguan menjëherë në Spitalin e Laçit, ku pasi moren ndihmen e parë mjekësore mësohet se ndodhen jashtë rrezikut për jeten.
Nga të dhënat paraprake të policisë mësohet se shkak i aksidentit është bërë një manover e gabur e drejtuesit të karrotrecit që po lëvizte me shpejtësi në drejtim të Milotit, çka solli edhe përplasjen me autobuzin.