Alisson zgjedh mes Real Madrid dhe Liverpool, portieri brazilian preferon...
Përvec finales së Ligës së Kampioneve, Real Madrid dhe Liverpool duhet të ndajnë një tjetër "finale". Dy klubet e mëdha europiane janë në garë për shërbimet e portierit të Romës, Alisson Becker.
Duket se portieri i Brazilit e ka ndarë mendjen se me kë ekip do të vazhdojë të ardhmen e tij.
Ka zgjedhur Realin e Madridit dhe jo Liverpool-in. Kjo është ajo që raporton së fundmi e përditshmja spanjolle “Marca”.
Roma vazhdon të qëndrojë ende te çmimi 70 milionë euro ndërsa aktualisht Perez është duke ofruar vetëm 50 milionë. Ai shpreson se drejtuesit e ekipeve do takohen dhe do të bien dakord për vlerën 60 milionë.