Albin Kurti takohet me Metën, flasin për çështjet e ndjeshme të Kosovës
Kryetari i Lëvizjes Vetëvendosje, Albin Kurti është takuar me Presidentin e Shqipërisë, Ilir Meta.
Në një postim në FB, Vetëvendosja thotë se me të kanë diskutuar për çështje të ndjeshme për Kosovën dhe për shqiptarët.
"Sot kryetari i Lëvizjes, z. Albin Kurti u takua me Presidentin e Republikës së Shqipërisë, z. Ilir Meta. Me z. President u diskutuan çështje të ndjeshme për Kosovën dhe për shqiptarët, dhe për rëndësinë e përfshirjes më të madhe institucionale të Shqipërisë në mbështetje e në mbrojtje të interesave të Kosovës dhe shqiptarëve në troje", thuhet në postimin e VV-es në FB.