Akuzohet për trafik ndërkombëtar droge, ekstradohet në Itali shqiptari
Policia italiane informon se është ekstraduar sot nga Shqipëria në Itali, Artur Milaqi, 32 vjeç i arrestuar gjatë muajit shkurt në Durrës në kuadër të operacionit të koduar "Metropolis".
Akuza ndaj tij është trafik ndërkobmëtar droge nga Kolumbia në Itali.
Milaqi konsiderohet kapo i një grupi trafikantësh që transportonin kokainë nga Kolumbia në Hollandë e më pas në Itali.
Artur Milaqi organizonte kontaktet me furnizuesit e drogës në Kolumbi, gjithashtu edhe transportimin e saj përmes Hollandës në Itali.
Artur Milaqi pas mbërritjes sot në eroportin Fiumicino në Romë është transportuar drejt burgut të Breshës në dispozicion të autoriteteve gjyqësore.