Aksident në Vlorë, makina përplas rëndë këmbësoren
Nga OraNews Përditësimi i fundit 14 Korrik 2019, 14:57
Një aksident është regjistuar në Vlorë, në rrugën transballkanike, pranë rrethrrotullimit tek Omonia.
Nga Vlora gazetari i RTV Ora, Edi Ruçi raporton se një automjet i tipit “Benz 220” me targa Tr6136U ka përplasur një të moshuar rreth 75-vjeçe.
E moshuara sapo kishte blerë ushqimet në dyqan dhe po kalonte rrugën për të shkuar në shtëpi.
E plagosura mësohet se është në gjendje kritike për jetën, ndërsa policia ka shkuar në vendin e ngjarjes dhe është duke punuar për zbardhjen e plotë të saj.