Meta thirrje për reflektim: Të shtrijmë dorën ndaj atyre që kanë më shumë nevojë

Meta thirrje për reflektim: Të shtrijmë dorën ndaj atyre

Ndryshe nga vitet e tjera politikanët preferuan të japin vetëm mesazhe urimi. 

Kreu i Shtetit, Ilir Meta vizitoi sot Qendrën Sinodike të Katedrales Ortodokse “Ngjallja e Krishtit” nga ku uroi edhe të gjithë besimtarët për Krishtlindje.

Presidenti bëri thirrje për reflektim, ndërsa tha se kjo ditë le të jetë një ditë shprese në mënyrë që të kemi një Shqipëri më të qëndrueshme, më njerëzore, më dinjitoze dhe më të begatë!

“Ishte kënaqësi e veçantë për të uruar Fortlumturinë e Tij, kreun e Kishës sonë Ortodokse për këtë ditë shprese të bekuar. Njëkohësisht për të uruar të gjithë besimtarët ortodoksë, por edhe të krishterë shqiptarë.

Le të jetë kjo një ditë shprese, një ditë solidariteti, për të reflektuar edhe më shumë, për të kthyer sytë dhe për të shtrirë dorën ndaj atyre që kanë nevojë për më shumë ndihmë, mbështetje dhe përfshirje në shoqërinë tonë, që kanë nevojë për më shumë ngrohtësi dhe dashuri, në mënyrë që të kemi një Shqipëri më të qëndrueshme, më njerëzore, më dinjitoze dhe më të begatë!”

Gjithashtu Presidenti Meta u uroi festën e shenjtë të Krishtlindjeve Kryetarit të VUSH-it, Pastor Ylli H. Doçi si dhe drejtuesve e besimtarëve ungjillorë shqiptarë, duke vizituar gjithashtu edhe selinë e Vëllazërisë Ungjillore të Shqipërisë.

Në Katedralen Ortodokse “Ngjallja e Krishtit” ishte edhe kryetari i parlamentit Gramoz Ruçi. 

Ndërsa kryeministri Rama zgjodhi që drekën ta kalojë me një familje të pastrehë nga tërmeti e cila jeton në çadër.

Kryetari i PD-se zgjodhi katedralen e Durresit për te uruar Krishtlindjen.

Edhe kryetarja e LSI-se, Monika Kryemadhi percolli urimin e rastit. 

EMISIONET