Meta: Dhuna ndaj gruas, akt burracak duhet dënuar me forcë

Meta: Dhuna ndaj gruas, akt burracak duhet dënuar me forcë

Çdo “akt burracak dhune” ndaj gruas nuk mund dhe nuk duhet të tolerohet. Ky është mesazhi që presidenti Ilir Meta dha sot në Ditën Ndërkombëtare për Eliminimin e Dhunës ndaj Grave dhe Vajzave

Përmes një statusi në facebook kreu i shtetit nënvizon “Një shoqëri demokratike dhe sociale, nuk mund të ketë evolucion pa inkurajuar përpjekjet për fuqizimin e rolit të grave, veçanërisht pa përmbushur detyrimet për mbrojtjen e të drejtave të tyre"

Gjithashtu, presidenti Meta bëri të ditur që edhe Institucioni i Presidentit të Republikës do të solidarizohet me këtë nismë jetike kundër dhunës ndaj grave.

"Ndaj edhe sot në Ditën Ndërkombëtare për Eliminimin e Dhunës ndaj Grave dhe Vajzave, në mbështetje të fushatës botërore "Ta ngjyrosim botën portokalli", Institucioni i Presidentit të Republikës do të solidarizohet me këtë nismë jetike për shoqërinë tonë, dhe domosdoshmërinë e dënimit me të gjithë forcën e ligjit të dhunës verbale e fizike ndaj grave dhe vajzave".



EMISIONET