Kryeministri i ri britanik, Boris Jonson po përmbush premtimet e bëra gjatë fushatës së Brexit, duke njoftuar se do të akordojë një fond prej 1.8 miliardë paund për të rikonstruktuar 20 spitale publike.

Kjo, sipas Jonson, është arritur falë performancës ekonomike të vendit, që pas referendumit.

Jonson: Unë jam i vendosur për të mbajtur premtimet e fushatës për referendum në 2016: jo vetëm për të respektuar vullnetin e popullit, por për të rritur investimet. Në sajë të performancës së fortë ekonomike, ne jemi tani në gjendje të investojmë 1.8 miliardë paund më shumë për të blerë pajisje të reja dhe riokontruksionin e  e 20 spitaleve në të gjithë vendin.

Johnson, drejtues i fushatës Brexit, promovoi idenë se Britania mund të shpenzojë 350 milion paund në javë në Shërbimin Kombëtar të Shëndetit pas Brexit, dhe tanimë duhet i angazhuar tërësisht në këtë drejtim. Sipas medieve britanike, qeveria po planifikon të akordojë një fond shtesë prej 20 miliardë paundësh në Shërbimin Kombëtar të Shëndetit deri në vitin 2023, një premtim i bërë nga paraardhësi e Johnson, Theresa May.

/Ora News.tv/