Holanda kushtëzon negociatat: Të dënohen zyrtarët e lartë për korrupsion, qeveria të konsultohet me Parlamentin

Holanda kushtëzon negociatat: Të dënohen zyrtarët e

Shqipëria pritet ta ketë shumë më të vështirë se Maqedonia Veriore fillimin zyrtar të negociatave, pavarësisht votës së sotme të Këshillit të Ministrave të BE-së.

Sipas ministrit holandez të Punëve të Jashtme, Stef Blok, për Maqedoninë e Veriut nuk ka asnjë lloj problemi dhe mund të përgatitet menjëherë korniza e negociatave dhe të mbahet konferenca e parë ndërqeveritare.

Por për Shqipërinë, Holanda kërkon përparim të reformave sidomos ato që lidhen me shtetin ligjor, luftën kundër korrupsionit. 

Ministri Blok thotë se vendi i tij dëshiron të shikojë gjykime specifike kundër funksionarëve të lartë para se të japë miratimin për fillimin e negociatave për kapitullin e parë.

Ai përkujtoi se për Shqipërinë do të duhet sërish të konsultohet edhe parlamenti, i cili në tetor refuzoi fillim të negociatave.

Lexo edhe: Negociatat, “Po” me kushte për Shqipërinë, duhen plotësuar kushtet e Bundestagut dhe të Greqisë

EMISIONET