Edhe pse Greqia njoftoi këtë të premte çeljen e sezonit turistik duke filluar nga 1 korriku, kufiri me Shqipërinë do të qëndrojë ende i mbyllur.

Greqia duket se e ka marrë seriozisht refuzimin e shqiptarëve për të hyrë në territorin e vet javën e ardhshme.

Një anëtar i qeverisë greke deklaroi pasditen e sotme (26 qershor) se Greqia nuk është ende gati të çelë kufijtë tokësorë me Shqiperinë më datën 1 korrik ashtu siç ishte paralajmëruar.

Ministri grek i Mbrojtjes Sociale Nikos Hordhalias e ka bërë këtë deklarate të papritur sot në orët e drekës ne Janinë, ku ndodhej per nje inspektim ne aeroportin e ketij qyteti.

Sipas tij, shtyrja e hapjes se kufijve tokesorë me Shqipërinë ka te beje me marrjen e mëtejshme të masave për të mbrojtur vendin nga Covid-19 pas rasteve te fundit te shfaqura ne Shqipëri.

Kjo është hera e dytë që autoritetet e vendit fqinj kane shtyre çeljen e kufijve tokesorë me Shqiperinë, pas asaj qe ishte planifikuar më 15 qershor dhe tani më 1 korrik.

Lexo edhe: Greqia çel sezonin turistik më 1 korrik, ja 9 shtetet që do të ndalohen

/Ora News.tv/