Qyteti buzë liqenit po bëhet gati të presë turistë. Operatorët turistikë janë të vetëdijshëm se ky sezon nuk do të jetë i zakonshëm.,

Për shkak të situatës së krijuar nga pandemia e koronavirusit, turistët e huaj pritet të jenë më të paktë, ndaj ata janë futur në garën për turistët vendas.

Tushemishti është një prej pikave turistike më të rëndësishme dhe ndër më të frekuentuarat në Pogradec

Fshati i Teto Ollgës që e bëri të famshëm ka filluar të presë turistët e parë në fundjavë.

Krahas natyrës e pastërtisë, vlerësojnë çmimet dhe shërbimin.

Ndaj disa e kanë përcaktuar se aty do të kalojnë edhe pushimet e verës

Nga ana tjetër, pushteti vendor ka bërë ndërhyrje përgjatë vijës bregliqenore dhe premton se këtë vit do të ketë më shumë hapësira publike për pushuesit në qytetin e Lasgushit dhe Mitrushit.

/Ora News.tv/