“Disa më thonë ke rrjedhur”, Sabiani tregon si lindi idea e flokëve ngjyra ngjyra

“Disa më thonë ke rrjedhur”, Sabiani tregon si lindi idea

Këngëtari i njohur Sabiani së fundmi ka qenë në qendër të vëmendjes për shkak të look-ut të tij. Ai ka vendosur të bëjë një ndryshim të çuditshëm në pamjen e tij duke i lyer flokët me ngjyrat e ylberit.

I ftuar në emisionin “Why Not” në RTV Ora, këngëtari ka treguar nga i lindi ky frymëzim i “çmendur”

“Unë isha tek ballkoni i studios dhe dëgjoj një këngë që e kishin hapur Kejsi me dy producentët që punoj. U futa brenda dhe kur shoh këtë repistin me ato flokët ngjyra ngjyra, e më thotë Kejsi “babi, ky reperi ka marrë 45 milion klikime dhe shiko sa bukur i ka flokët, do të të shkojnë edhe ty”. 

I them a do t’i bëjë edhe babi ashtu fokët duke u tallur dhe më tha, “bëji babi seriozisht”. Ditën tjetër, shkuam tek një kushërira ime që është parukiere dhe si të çmendur që jemi, iu bashkuam çmendurisë. Po mua nuk më duket aq e “çmendur” sa e fryve ti dhe sa e kanë fryrë të tjerët. 

90% e komenteve kanë qenë pozitive për këtë ndryshim tim dhe 10% sketikë e të hutuar që kanë thënë “ka rrjedhur Sabjani”, por ka edhe sharje”, është shprehur Sabiani.

EMISIONET