Një konflikt ka ndodhur mbrëmjen e sotme në Bulqizë.

Si pasojë një person me iniciale E.T., ka plagosur me thikë dy vëllezër me iniciale D.N., dhe A. N.

“Rreth orës 20.00, në qytetin e Bulqizës, dyshohet se pas një konflikti për motive të dobëta shtetasi E.T., ka plagosur me mjet të mprehtë (thikë) shtetasit D.N., dhe A. N., (vëllezër), të cilët po marrin ndihmë mjekësore në spital dhe ndodhen jashtë rrezikut për jetën.” – njofton policia.

Pas ngjarjes autori i dyshuar është larguar menjëherë dhe në ndjekje të tij janë vënë forcat e policisë.

Grupi hetimor vijon hetimet për zbardhjen e rrethanave të plota të ngjarjes.

/Ora News.tv/